500g de fariña (preferiblemente de forza, vale de trigo) e un pouco máis para espolvorear
80g de azucre
1 culleriña de sal
2 culleriñas de lévedo seco de panadería instantáneo (aprox. 7g)
300ml de leite tibio
300g de manteiga e un pouco máis para engraxar
1 ovo batido para pintar
Preparación
Poñer tódolos ingredientes secos nunha cunca, facer un oco no centro, vertir o leite e mezclar ata conseguir unha masa suave. Engadir máis leite se é necesario.
Amasar nunha superficie enfariñada de 5 a 10 minutos ata que estea elástica e deixar levedar nunha cunca engraxada e tapada ata que dobre o seu volume.
Poñer a manteiga sobre un papel de forno e, ben dobrando este ben poñendo un por encima, aplastala ata que teña un grosor aproximado de medio centímetro e unha forma rectangular tamaño folio. Meter na neveira para que enfríe.
Unha vez dobrado o seu volume, sacar a masa, traballala sobre 1 minuto e extendela para que forme un rectángulo máis grande que o da manteiga.
Sacar a manteiga, poñela sobre a masa e plegar a masa sobre ela.
Aplanar a masa, xirar 90º, dobrala á metade e volver aplanar. Repetir este proceso varias veces ata que quede a manteiga ben integrada e a masa de menos dun dedo de grosor.
Cortar triángulos na masa (preferiblemente con dous dos lados iguais) e facer un corte en perpendicular no lado pequeno. Separar un pouco as dúas partes e enroscar. Repetir este proceso ata que non quede masa.
Pintar os croissants co ovo e deixalos repousar ata que dobren o seu volume.
Meter entre 15 e 20 minutos os croissants no forno a 200ºC.
Retirar cando estean ben dourados.
Tips
Para darlle a forma á manteiga, dobrar o papel de forno para que a manteiga non poida escapar.
En caso de abrirse a masa e saír a manteiga, tapar con fariña. Se isto sucede moito, meter a masa na neveira para que enfríe.
Nun momento a masa vai estar demasiado fina como para traballala sen que rompa. Estirar unha última vez e parar.
